Kurdek dibe serokê yek ji mezintirîn şaredarîya Stockholmê

Kurdek dibe serokê yek ji mezintirîn şaredarîya Stockholmê

Du şaredarîyên Stockholmê digihîjin hev, bi 120 hezar nifûsa xwe yek ji mezintirîn şaredariya Stockholmê pêk tê… Abît Dundar li ser navê Partîya Lîberal dibe şaredarê Hagersten/Alvsjo.

A+A-

Piştî 1ê Tîrmehê du şaredariyên bajarê Stockholmê digihîjin hev, bi mezinahiya xwe piştî navçeya Bromma dibe şaradarîya duyem. Alvsjo ku biçûktirîn bajarê Stockholmê ye bi Hagersten û Liljholmenê re dibe yek.

Tiştê baldar û ciyê kêfxweşiyê ye kurdek ji Diyarbekirê ku bi eslê xwe ji Dêrika Çiyayê Mazî ye, li ser navê Lîsteya Lîberalan bê hilbijartin, dibe şaredar. Ji ber ku yekkirina her du şaredarîyan di navbera du hilbijartinan de pêk tê, posta serokatîya şaredarîyê dan Partîya Lîberal ku ew jî yek ji partîyên di koalîsyona rêveberîya bajarê Stockholmê de ye. Abît Dundar şaredarîya bajarê Hagersten/Liljeholmenê dikir.

Nûçegîhanê Rûpela Nû, ji bo wazîfeya wî ya nuh Abît Dundar pîroz kir û jê pirsî ”Nuha tu yê şaredarîya nifûs û qadeke hîn firehtir bikî, tu xwe çewa hîs dikî?”

”Her erkeke nuh kelecanîyeke wê heye. Di rûtîn û erkên kar de guhertineke mezin tuneye. Ez ê bi meclîseke hîn firehtir, bi butçeyeke hîn mezintir, di qadeke hîn firehtir de kar bimeşînim. Mezinbûn û giranbûna kar çavê min natirsîne, têra xwe tecrûbên min hene. Wek beriya her karî, nuha jî kelecaniyeke xweş hîs dikim”.

babacan.jpg               amerika.jpg

Rûpela Nû / Stockholm

 

Ev nûçe 544 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin