Kişyayîşê Tahîr Elçîyî ser ra 5 serrî vîyartî

Kişyayîşê Tahîr Elçîyî ser ra 5 serrî vîyartî

.

A+A-

Serkêşîya Baroyê Amedî de serrgêra şehadetê ci de semedê Tahîr Elçîyî rayraşîyayîşêk ame kerdene. Eşkerayîye de ame vatene ke kiştoxê Tahîr Elçîyî yenê pawitene.

Baroyê Amedî semedê serekê xo Tahîr Elçîyî yo ke 28ê teşrîna peyêna 2015î de verê Mînareya Çalinge de ame kiştene, aktîvîteya vîrardişî organîze kerde.

Serekê Baroyê Amedî Cîhan Aydin û îdarkarê ci, Hemserekê OHDyî Bunyamin Şeker, temsîlkarê ÎHD, Odayê Tabîban,TMMOB, KESK, baroyanê Riha, Wan û Şirnexî zî tede xeylê kesî verê edlîye de ameyî têhet. Grube pê pankarta “Ma do to xo vîrî ra nêkerê” ver bi Mînareya Çarlinge şîyî.

Grube bi deyîra “Dîyarbekir” ya Ahmet Kayayî amey verê Mînareya Çarlinge. Tîya de nameyê baroyî ser o Cîhan Aydinî beyanat da.

Aydinî vat: ''5 serrî yo ke ma gêrenê qetilkaranê Tahîr Elçîyî ke bi zirxê bêcezayîye yenê pawitene. Ma 218 hewteyî verê Edlîyeya Amedî de semedê caardişê edaletî çalakîyî kerdî. Dima ke dewa ameye akerdene ma mabên da ci. Roniştişo verên de ame vînayene ke polîtîkaya bêcezayîya ke wextê cipêrsayîşî de ameye rayraberdene, mehkeme de zî dewam kena. Ma do vera na neheqîye têkoşînî rê dewam bikerê.''

Ayninî vist vîrî ke badê vefatê Tahîr Elçîyî welat bineyna bi tarî zilmat û vat: ''Yeno waştene ke heme komel bêro hepskerdene. Nê welatî de hinî qet asayîşê huqûqî yê hemwelatîyêk çîn o. 80 mîlyon kesî şikdar ê. Her serê sibayî ma bi xebaran destbendkerdiş û tepiştişî dest pê roje kenê. Hukm vera îşkence, mergê teberê qanûnî, qirkerdişê cinîyan, îstîsmarê domanan,qirkerdişê dormeyî bêveng o.''

Aydinî bale ante ser ke rewşa meseleya kurdî zî wextê Tahîr Elçîyî ra xirabêr a û vat: ''Mesele asayîş û burokrasîya ci rê ameya verdayene. Polîtîkaya bêçareyîye gangirewti û ganvêşnayîşî rê dewam kena. Azadîya îfade û çapemenîye binê tehdîtê giranî de ya. Zîndanî rîyê fîkanê înan ra pê sîyasetmedar, temsîlkarê dezgehanê sîvîlan û rojnamegeran ameyî pîrrkerdene. Her serre bi desan tepişteyê nêweşê ke nêameyî tedawîkerdene cenazayê înan zîndanan ra yenê vetene.''

Aydinî vera hêrişê serê avûkatan zî nêrazîbîyayîşê xo nîşan da û vat: ''Sereko sînaye badê to halê welatî wina yo la wa çimê to peyê to de nêmanê  bi hezeran hemmeslegê to bi qerardar têkoşînê edalet û heqanê merdiman danê. Xeyalê to yê cuya azade, xeyalê ma yo zî.''

 

Ev nûçe 194 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin