Jin ji bo aboriya malbata xwe tenûran çêdikin

Jin ji bo aboriya malbata xwe tenûran çêdikin

.

A+A-

 Li parêzgeha  Mûşê ya Bakurê Kurdistanê, jin ji ax û kîlê tenûran çêdikin û difroşin, bi pereyên ku qezenc dikin jî pêdiviyên mala xwe peyda dikin.

Li gundê Acmanukê yê Mûşê jin ji qûntara çiya ax û kîlê berhev dikin û tînin mala xwe. Paşê wê dikin herî û pê tendûrê çêdikin û difroşin.

Hostaya çêkirina tenûran Wesîle Karakaya ya 56 salî ku diya 7 zarokan e, ev 20 sal e tenûran çêdike û pê debara xwe dike.

Hostaya çêkirina tenûran Wesîle Karakaya wiha behsa çêkirina tenûran kir: "Em her sal biharê xweliya kîl tê de heye ji quntarê çiyê tînin û ziwa dikin. Paşê em dikin herî û pê lingên xwe pêpez dikin. Ji bo ku hinekî baş be em rojekê dihêlin û paşê em dest bi çêkirina tenûrê dikin. Ji bo tenûr hişk nebe û neşkê em mûyê bizinan û ka jî dixin hundirê heriyê. Çêkirina tenûrekê hema hema di nav 3 rojan de temam dibe. Paşê em wan difroşin. Em salê 100 tenûran çêdikin û qasî 20 salan ew dikarin bên bikaranîn.”

Wesîle hewl dide ku kur û keçên xwe jî fêrî çêkirina tenûran bike.

Nurcan Karakaya jî got ew debara xwe bi firotina tendûran dike û wiha axivî: “Bavê min cotkar e, em jî ji bo aboriyê alîkariya wî dikin. Em di meha nîsanê de dest pê dikin, heta meha cotmehê tendûran çêdikin.”

Dema çêkirina tenûran li Nîsanê destpêdike û heta Cotmehê berdewam dike. Wesîle û zarokên xwe di salekê de nêzîkî 100 tenûran çêdikin û difroşin. Nirxê tenûran li gor mezinahiyê tê guhertin.

RÛDAW
 

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin