Heta niha 6 hezar kes ji Kampa Holê derketine

Heta niha 6 hezar kes ji Kampa Holê derketine

.

A+A-

Hejmara kesên Sûrî yên ku bi biryara Rêveberiya Xweser û bi kefaleta şêx û rûspiyan ji Kampa Holê derketine, gihîşt 6 hezar kesan û her wiha amadekariyên derxistina 300 kesên din jî têne kirin.

Proseya derxistina kesên Sûrî ji kampa Holê berdewam e ku piraniya wan malbat û kesûkarên çekdarên DAIŞê ne.

Piştî qutbûna alîkariyên navdewletî, xerciyên wê kampê li ser milê Rêveberiya Xweser giran bûne û her wiha nebûna proseyekî rêkûpêk a ji bo lêkolînkirin û dadgehkirina kesên li kampa Holê, wiha kir ku Rêveberiya Xweser biryara valakirina wê kampê bide.

Di vê çarçoveyê de jî heya niha zêdetir ji 6 hezar kesên Sûrî hatine derxistin û her wiha amadekarî jî têne kirin ku hefteya bê 300 kesên din jî ji wê kampê bêne derxistin û bo navçeyên wan bêne şandin.

Kampa Holê 45 km dikeve rojhilatê bajarê Hesekê û weke yek ji kampên herî metirsîdar ên cîhanê tê zanîn ku beşekî zêde ya kesên ku li wê kampê ne, kesên DAIŞî ne û heya niha çendîn caran bûyerên kuştin û revê jî li wê kampê hatine dîtin.

 

Ev nûçe 129 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin