Berdevka Partiya Demokratîk a Gelan (HDP) Ebru Gunay ragihand, şanda wan li Iraqê hevdîtinên berfireh û bi sûd pêkanîne û got: “Şanda me di serî de ligel Serokkomarê Iraqê Berhem Salih  ligel çendîn aliyan hevdîtin pêkanîn û di wan civînan de pêşhatên dawî û bi taybet  şer li ser gelek pêşhatên din gotûbêj hatin kirin.”

Berdevka Partiya Demokratîk a Gelan (HDP) Ebru Gunay li navenda giştî ya avahiya partiya xwe civîneke çapemeniyê saz kir û derbarê mijarên di rojevê de axivî.

Gunay amaje bi operasyonên dawî ên Artêşa Tirkiyê yên di nav axa Herêma Kurdistanê de da û got :"Girî û şîna ku şer bûye sedem ne li koşkê ye,  li malên ji kerpîçê ne. Berpirsyariya sereke ya siyasetê divê parastina jiyana mirovan be lê desthilata AKPê û MHPê li ser rêyeke berovajî vê yekê  dimeşe."

Ebru Gunay da zanîn ku ew dê wek HDP ji bo bidawîanîna şer çi berpirsiyek bikeve ser milê wan bicih bînin û got: "Ji bo pêşevebirina rêyên diyalog û mûzekerê çi ji destê me bê em dê bikin."

Berdevka HDPê behsa serdana şanda partiya xwe ya bo Iraqê û civîna ligel Serokkomarê wî welatî Berhem Salih û çend aliyên din jî kir û got: "Şanda me di serdanê de bi taybet şer li ser  gelek mijaran nirxanndin kirine û serdanên gelek berfireh û bi sûd pêkanîne."

Berdevka HDPê Ebru Gunay got: “Em weke HDPê bo bicihanîna her hewildan û berpirsiyeke di vî warî de têkoşînê dikin. Tişta herî girîng jî em bo pêşvebirina rêyên diyalog û çareseriyê çi ji destê me bê dikin û em dê li ser vê berdewam bin. Di vê çarçoveyê de alîkara hevserokê me yê giştî û berpirsa me ya  karûbarên derve birêz Feleknas Uca û Parlamenterê me yê Wanê Sezaî Temellî li Iraqê çendîn hevîditin kirin. Di serî de ligel Serokkomarê Iraqê Berhem Salih  ligel çendîn aliyan hevdîtin pêkanîn û di wan hevdîtinan  de pêşhatên dawî û di serî de şer gelek pêşhatên din hatin gotûbêj kirin. Hevdîtinên gelek berfireh û bi sûd hatin kirin. Ji ber em di wê bawerê de ne desthilata AKPê û MHPê desthilateke wisa ye ku ji siyeset, diyalog û çareseriyê ditirse  û ji meşandina polîtîkayên aşitiyê aciz e. ji bilî polîtikayên ewlehiyê ku bo her cihekê wêrankariyê tîne, ti rêyeke din nizane. Ji bo vê desthilata alîgir a şer, merca serkeftinê  berdewamiya desthilata wan û destkeftên alîgirên wan e. Li şûna parastina jiyanê, pereyê ku bikeve berîka xwe difikirin. Take siyaseta ku ew dizanin ev e."

Partiya Demokratîk a Gelan HDPê îro 12ê Gulana 2022ê li ser hesabê xwe yê Twiterê ragihandibû,  ku ji berpirsa Karûbarên Derve û Parlamentera Êlihê ya HDPê  Feleknas Uca û Parlamenterê Wanê Sezaî Temellî pêkdihat, bi serdanek fermî çûne Iraqê û ligel Serokkomarê wî welatî Berhem Salih civiyane.

Rûdaw