Dêrsim de westaya cinîye ya viraştişê tembûran Senem Arin (24) bi nê tembûran veng dana daran. Senem hetêk ra zî tembûran tamîr zî kena. Senem wexto ke newe dest pê nê karî kerdbi xeylê kesan tira va ke, ti do badê acîz biba. La Senem goş pa nêkuwa û bi înadî tembûran de eleqedar bîy.

Senem wexto ke lîse de wendêne cenitişê tembûrî musaya. Serra 2014î de Seneme Konservatuarê Semsûrî de binê tesîrê westayêkê tembûrî de mende  û Zanîngehê Ege de viraştiş û tamîrê hacetanê muzîkî ser o perwerde girewt. Senem dima ke mezun bîye merkezê Dêrsimî de kargehê xo akerd.  

Seneme derheqê nê eşqê xo de nê çîyî vatî: ''Ma bi vengê tembûran cem gênê, deyîran vanê û keyeyê ma de tim mîyanê xoşeberan de tembûr esto. Ez nika di mengan de yew tembûr virazena. Sere de cinîyî ez wazena nê karî bimusna her kesî. No kar têna karê camêrdan nîyo. Wexto ke Dêrsim de merdimî wexto ke mi vînenê şaş benê la ê do bimusê mi. Êyê ke wazenê n3e karî bimusê berê mi înan rê tim akerde yo.''

(MA)