Hukmatê Amerîka aşkere kerd ke, Amerîka bi fermî mîyanê Teşkîlatê Weşîye yê Dinya (WHO) vejîyaya.

Mesulêkê Amerîka aşkere kerd ke Amerîka mîyanê WHOyî ra vecîyaya û hayîya sekreterê pêroyî yê Neteweyê Yewbîyayî pê esta.

Çimeyêkê Netewê Yewbîyayî kanalê CNNî yê Amerîka rê va ke, “mektuba vecyayîşî yê Amerîka teslîmê Teşkîlatê Weşîye yê Dinya bîyo.”

Destpêkê vilabîyayîşê vîrusê korona ra nat Amerîka, hukmatê Amerîka karê Teşkîlatê Weşîye yê Dinya rexne kenê. Koşka Sipîye îdîa kena ke, Teşkîlatê Weşîye yê Dinya malumatanê raştan nêdano, malumatan temerneno û sey sûcdarê vîrusê korona Çîn nişan dana.

Aşma Nîsane de Serekê Amerîka ardimê ke WHOyî rê benê zî dabi vindarnayîş.