Bakûrê Kurdîstanî de sistkerdişê tedbîranî ra dima nêweşî zêdîyay

Bakûrê Kurdîstanî de sistkerdişê tedbîranî ra dima nêweşî zêdîyay

Amed, Çewlîg, Riha, Mêrdîn û Êlih de sistkerdişê tedbîranê vera Korona ra pey hûmara nêwaşan zêdîya.

A+A-

Merkezê Xeberan - Amed, Çewlîg, Riha, Mêrdîn û Êlih de sistkerdişê tedbîranê vera Korona ra pey hûmara nêwaşan zêdîya.

Bakûrê Kurdîstanî de badê sistkerdişê tedbîranê vera Korona nêweşî zêdîyayî. Amed de dewêk, Riha de dewêk û 7 bînayî Mêrdin de zî bînayêk gêrîyay binê karantîna.

Amed de hewteyo peyên hûmara nêweşê ke pê nê janî kewtî resaye 200. Dewa Gozelî ya Peyasî ke tede 15 waqayê pozîtîfî estê gerîya binê karantîna.

Çewlîg de zî hewteyêk cuwa ver têna nêweşêk mendbi la zereyê yew hewteyî de hûmare nêwaşan bîye 25. Tewr peynî 29ê gulane de hûmara nêweşan bibî 21.

6 taxanê qezayanê Eyyûbîye, Wêranşer, Pirsûs, Karakopru yê Riha de seba ke tede nêweşê vîrusê Korona estê 7 bînayî gêrîyayî binê karantîna.

 Deweka Asîçayîrî û taxa Soylemezî ya Sêwrege zî gêrîyaye binê karantîna. Şaristan de verê cû zî 5 bînayî gêrîyabî binê karantîna.

Taxa Tepebaşî ya qezaya Qoserî ya Mêrdînî de zî testê vîrusê Korona yê kesêkî/e pozîtîf vejîyayî û dima bînaya ci gêrîyaye binê karantîna.

Heto bîn ra Êlih de zî rojêk de 37 kesê bînî pê janê Korona kewtî. Goreyê doneyanê 27ê gulane bajar de 625 kesî pê nê vîrusî kewtî û 7 kesî zî merdê.

 

Ev nûçe 210 caran hatiye xwendin
Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin