Ahmet Turk: Dest ronîyayo îradeyê şarî ser û ci ra vanê demokrasi!

Ahmet Turk: Dest ronîyayo îradeyê şarî ser û ci ra vanê demokrasi!

Serekê beledîyeya Mêrdînî Ahmet Turkî o ke hetê hukmatê AKP ra wezîfe ra ameyo girewtiş va: Dest ronîyayo îradeyê şarî ser û ci ra vanê demokrasî. Ma demo ke tede huqûq çîn o û neheqîya tewr girde yena kerdene ra vîyarenê.

A+A-

Serekê beledîyeya Mêrdînî Ahmet Turkî o ke hetê hukmatê AKP ra wezîfe ra ameyo girewtiş va: Dest ronîyayo îradeyê şarî ser û ci ra vanê demokrasî. Hetêk ra dest ronenê îradeyê şarî ser hetêk ra zî ci ra vanê demokrasi.

Wezaretîya Karanê Zereyî Walîyê Mêrdînî Mûstafa Yaman sey qeyûmê Şaredarîya Mêrdînî tayîn kerd û Ahmet Turk wezîfe ra ame girewtiş. Weçînitişê 31’ê Adare de HDP se ra 56 rayî girewt û Ahmet Turk sey serekê beledîye amebi weçînitiş.

Ahmet Turkî vera qeyûmî hêrsê xo nişan da û va: ‘’ Çîyê  ke benê bi aqil û bi mantiq nênê îzahkerdene. Dest ronîyayo îradeyê şarî ser û ci ra vanê demokrasî. Ma demo ke tede huqûq çîn o û neheqîya tewr girde yena kerdene ra vîyarenê.

MIZRAKLI: ROJÊK DO VERNÎYA HUQUQÎ DE HESAP BIDÊ

Heto bîn ra Serekê Beledîyeya Dîyarbekirî Adnan Selçuk Mızrakli yo ke hetê Wezaretîya Kraanê zereyî ra wezîfe ra ameyo girewtiş zî ame vere Beledîyeya Dîyarbekirî û beyanatêk da.

Adnan Selçuk Mızrakliyî va: Êyê ke nê qerarî daye hewlîya şarê Tirkîya nêwazenê. No qerar do wicdanê şarî de bibo mehkum. Kesê ke ma rê wina muamele kenê do rojê vernîya huquqî de hesab bidê. Îradeyê şarî newe ra ameyo çinkerdiş.

Mizrakliyî îzh kerd ke, şewe bîne beledîyeya înan rê walîyê Dîyarbekirî sey qeyûm ameyo tayînkerdiş û wina va: Ewro veynayê mi û mi ra vanê, kaxid îmza bike û beledîye dewrê ma bike. Mi zî kaxid îmza nêkerd. Qeyum meşru nîyo do çime ma û şarê ma de meşru nêbo.  

Nûçeya berê û ya piştre

NÛÇEYE ŞÎROVE BIKE

BALKÊŞÎ: Şîroveyên ku têde; çêr, heqaret, hevokên biçûkxistinê û êrîşa li ser bawerî, gel û neteweyên din hebin, dê neyêne erêkirin.
JI kerema xwe re şîroveyên xwe jî bi gramera kurdî ya rast û tîpên kurdî binivîsin