Erkana Dewleta Tirk tevî partiyên xwe yên mixalefetê yên meclîsê di 7.08.2016ê de li Stenbolê li Yenîkapiyê ji bo hewildana derbaya nebisrketî ya 15ê Tîrmehê protesto bikin bi navê "Demokrasî û Şehîdan"xwepêşandinek li dar xistin. Li gor mediyaya tirk zêdetir 3 milyon kes bêşdarê wê bûne.
Serokkomarê Tirk Recep Tayib Erdogan, Serokê Meclîsa Mezin a Tirkiyê Îsmaîl Kahraman, Serokwezîr û serokê AKP Binalî Yildirim, Serokê CHP Kemal Kilicdaroglu, Serokê MHP Dewlet Bahçelî, Serokê Erkanê Herb Hulusî Akar, Seokê Diyanetê Mehmet Gormez û Serokwezirê kevn Ahmed Dawudoglu di xwepêşandinê de axaftin; cemaeta Fethullah Gulenî ku li gor wan ew plangerê hewildana derbaya 15ê Tîrmehê ye, rûreş kirin, û pesnê miletê xwe dan ku ew li dij vê derbeyê sekinîne û li ser yekîtîya welat û miletê xwe propaganda xwe ji xwe re kirin, alaya xwe bilind kirin; tirk û tirkiyatîyê pesinandin.
Partîya HDP ku ew jî di Meclîsa Mezin a Tirkiyeyê de partîya sêyem a mezin e û zêdetir dengên xwe ji miletê kurd werdigre ji ber ku nehatibû vexwendin bêşdarî xwepêşandinê nebû.
Di dîroka cumhurîyeta Tirkiyê de ev cara yekem e ku erkana dewleta Tirk tevî partîyên xwe yên mixalefetê xwepêşandineka wiha li dar dixe.
Serokê PAKê Mustafa Ozçelîk di hesabê xwe yê twitterê de xwepêşandina Yenîkapiyê rexne kir û got; ”Em ji darbê re jî, ji ew ên nuha li Yenîkapî bi ‘’yek dewlet, yek welat, yek milet, yek al’’ê miletê Kurd tune dihesibînîn re jî dibêjin na”.