Navenda Nûçeyan - Rêxistina Saxlemî ya Cîhanê (WHO) bang li dewletan kir ku dijî belavbûna vîrusa korona ya bi navê Covid-19 hazirîyên xwe bikin.
Serokê Koma Covid-19 Bruce Aylward dîyar kir ku karbidestên dewletan divê dijî belavbûna vîrusê bi awayekî çapik tevbigerin.
Aylward da zanîn ku divê li nexweşxaneyan cîh û navendên çavdêrîyê hazir bin.
Li gor daneyên WHO, Covid-19 heta niha ketîye canê pirtir ji 77000 kesan û pirtir ji 2600 kes kuştine.
Covid-19 di meha Berfanbarê de li Wuhan ya Çînê derketibû û ji wir derbazî dewletên din bûbû.