Bo zanyariyan ji berpirsan werbigre, Wezîrê Berevaniyê yê Tirkiyê çû ser sînorê Rojavayê Kurdistanê.
Wezîrê Berevaniya Tirkiyê Hulusî Akar, do bi Sererkanê Artêşa Tirkiyê Yaşar Guler û hejmareke din a fermandarên artêşa Tirkiyê ve, çû parêzgeha Riha ya Bakurê Kurdistanê.
Hulusi Akar û fermandarên serbazî, li Balafirxaneya GAPa Rihayê ji aliyê parêzgerê Rihayê Abdullah Erîn ve hatin pêşwazîkirin.
Akar û şanda li gel, pişt re derbasî Navenda Tevgera Hevbeş bû û li wir derbarê xebatên li herêma sînorê Bakur û Rojavayê Kurdistanê zanyarî ji berpirsan wergirt.
Akar bi rêya vîdyo konferansê, bi fermandarên yekîneyên li herêmê û xeta sînor erkdar in pêwendî danî û axaftinek pêşkêş kir.
Akar da zanîn, artêşa wan di sala 2020an “xebatên mezin” kirin û amaje bi wê kir ku xebatên wan dê berdewam bin.