Merkezê Xeberan - Unîversîteya Johns Hopkinsî aşkere kerd ke, dinya de hûmara kesê ke bi vîrusê korona kewtê 1 mîlyon vîyarta û 53 hezar kesî merdî.
Pêroyê dinya de hetanî nika na nêweşî ra 53 hezar kesî merdê.
Gorê Unîversîteya Johns Hopkinsî, Amerîka hetê nêweşanê Korona ra yewin a û pey ra Îtalya, Îspanya, Almanya, Çîn, Îran û Brîtanya yenê.
Vîrusê korona en zêde zî Îtalya, Îspanya, Amerîka, Fransa û Çîn însan kişto.
Heta nika en zêde merdimî Îtalya de merdî. Îtalya de heta nika 13 hezar û 915 kesî. Îspanya de 10 hezar kesî, Amerîka de 6 hezar û 285 kesî û Fransa de 4 hezar û 32 kesî, Îran de 2 hezar û 921 kesî, Brîtanya de 2 hezar kesî, Hollanda de 1011 kesî û Belçîka de 1000 kesî virusê Korona ra merdî.
Heto bîn ra Amerîka de hûmara nêweşan mîyanê hewteyêk de bîy di qat.
Heta ewro (3ê Nîsana 2020î) Amerîka de 6,285 kesî nêweşîya Korona ra merdî.
Tirkîya de zî hûmara merdeyan resa 356 kesan.