Navenda Nûçeyan - Li gor daneyên WHOyê, roja Sêşemê li Çînê 411 bûyerên nû yên bi Covid-19 pêk hatin û li derveyî ew hejmar giheşt 427an.
WHOyê da zanîn Covid-19 ku li derveyî Çînê herî zêde li Koreya Başûr, Îran û Îtalya hatîye dîtin.
Serokê WHOyê Adhanom Ghebreyesus dîyar kir ku ew belavbûna Covid-19 fikara çêdike, lê ewê ‘’pandemî’’ ranegihînin.
Bo ‘’pandemî’’ were ragihandin, divê nexweşî li welat û parzemîna were dîtin, ji mirovan derbazî mirovan be, kujer be û dermanê wê tune be.
WHO dîyar dike ku ragihandina pandemîyê dê tirsa di nav gel de zêde bike.
Covid-19 di meha Berfanbarê de li Wuhan ya Çînê derketibû û ji wir derbazî dewletên din bûbû.