Ajansa “Reuters” li ser zarê çend jêderên ji Koşka Spî ya Amerîkî belav kir, berpirsên Amerîka û çend welatên Erebî di hewla avakirina bereyeke hevbeş ya ewlehî – siyasî didin, bo rêgiriyê li hejmûna Îranê li navçê bike.
Çar jêderan ji wê ajansê re gotiye, Koşka Spî dixwaze hevkariyê bi welatên Kendava Erebî, Misr û Urdinê re derbarê berevaniya mûşekî û rahênankirina leşkerî û rûbirûbûna terorê xurt bike.
Diyar kir jî, berpirsên Koşka Spî wek heman hevpeymaniya “NATO” yê çapeke Erebî bi hevpeymanên wê yên Sune re dirust bike.
Aşkere kir jî, Serokê Trump dixwaze wê hevpeymaniyê ya navê bi awayekî demkî kiriye “Hevpeymaniya Rojhilata Navîn a Stratejîk” di lûtkeya ku biryar e 12 û 13 Cotmeha bê li Washingtonê birêve biçe de gotûbêj bike.
Wan jêderan amaje bi yekê kirin, berpirsên Siûdiyê sala bûrî û berî serdana Trump ji Siûdiyê re bîrokeya avakirina hevpeymaniyeke ewlehiyê pêşkêşî Amerîka kiribûn, lê ew bîroke di cihê xwe de mabû.
Washington, Riyaz û Ebû Dehbî Îranê tometbar dikin, ku aramiya têk didin û aloziyan li hin welatên Erebî dirust kirin, ji bilî gefa Îranê ya zêde li ser Îsraîlê.