Nûnerê Taybet ê Amerîka yê Sûriyeyê û Balyozê Enqereyê Tom Barrack, piştî bertekên tund ên rêveberiya Îsraîlê, daxuyaniyên xwe yên li ser Libnan, Hizbullah, Îran û Girên Golanê yên di bin deshilata Îsraîlê de paşve kişandin û ronahî xist ser gotinên xwe.
Barrack di hevpeyvîneke bi rojnamevan Mario Nawfal re de gotibû: "Du alî li ser wê maseya danûstandinan kêm in. Hizbullah û Îran."
Ev daxuyanî di raya giştî de bûbû sedema ku dibe Washington tevlîkirina wan di danûstandinên Libnan-Îsraîlê yên bi piştevaniya DYAyê de dinirxîne.
Piştî nerazîbunên Îsraîlê, Barrack di daxuyaniyek taybet de ji ajansa newsê The Associated Press re ew şîrove red kirin.
Dîplomatê Amerîkî diyar kir ku DYA bi Hizbullahê re danûstandinan nake û got: "Min tenê giraniya pirsgirêkê anî ziman, min maseyek nû pêşniyar nedikir."