Wezîrê navxwe yê Tirkiyê, Suleyman Soylu ragihand, duhî hêzên ewlehiyê li bajarê Adana operasyonek li dijî endam û alîgirên DAIŞê pêk anîn û serkirdeyekî DAIŞê girtin.
Soylu da zanîn, ew kesê ku hatiye girtin kesekî tirk bi navê Mahmut Ozden e û xwe wek emîrê DAIŞê yê Tirkiyê daye nasîn.
Bi gotina wî wezîrê tirk, wî serkirdeyê DAIŞê pilana çend êrişan dijî hinek cihên stratejîk, siyasetmedar û berpirsên dewletê danîbû!
Li gorî agahiyên wezîrê navxwe, DAIŞê dixwast êrişî mizgefta Ayasofya û çend sazî û dezgehên din yên li Stenbolê bike.