Parlementerê CHPê yê Diyarbekirê Sezgin Tanrıkulu li ser girtina Rêxistina Avestayê ya Lêkolîna Çand û Zimanê Kurdî ya li navça Konak a bi ser bajarê Îzmîrê de ku hatibû girtin an mohrkirin, ragihand ku şaredarê Konakê yê CHPê Avestayê negirtiye û mohrkirin ji aliyê qeymeqamiya Konakê de hatiye kirin.
Tanrıkulu ragihandinê di ser hesabê xwe yê medya civakî de kir û got:
“Yê fermanê daye Rêvebiriya Perwerdê ya bajarê Îzmîrê û qeymeqamniya Konakê ye. Eger qeymeqamî îznê bide, şaredariya Konakê dikare ji bo Avestayê ruxsetê bide û di mijarê de ti pirsgirêk tine.”
Ajansa Rûdawê do gotibû ku Ajansa Welat (AW) ragihandiye ku şaredariya Konakê Avestayê girtiye.
Tanrıkulu her weha bi parvekirina ser medya civakî re belga nivîsa qeymeqamiya Konakê jî weşand.
Tanrıkulu her weha got ku piştî min vê belgeye weşand gelo hun ê heman bertekê nîşanî AKPê jî bidin?