Talîbanê dest danî ser bajarê Geznî yê 150 k.m li başûrê rojhilatê Kabulê.
Serokê Encûmena Wîlayetê Nasir Feqîrî ji ajansa “AFP” re diyar kir, çekdarên Talîbanê beşeke mezin ji bajarê Geznî kontrol kir û destê xwe danî ser ofîsa hakim, baregeha polîsan û zîndanê jî, lê hîn şer û peçûn li hin deveran maye.
Tevgera Talîbanê da zanîn, wê bajarê Geznî ku paytexta wîlayeta Geznî ye kontrol kiriye.
Ji dema êrîşa Talîbanê ya di meha Gulana borî de, Geznî nêzîktirîn wîlayet e ji Kabulê ku dikeve destê Tevgera Talîbanê.
Tevgera Talîbanê di çend rojên borî de, bi awayekî bilez bi pêş ve çû û karî di hefteyekê de dest dane ser 10 wîlayetan ji koma 34 wîlayetan.