Çekdarên rêxistina terorîst DAIŞê li gundekî Dêrazorê du sivîl revandin û bi serjêkirinê ew kuştin.
Çavdêriya Sûriyê ya Mafên Mirovan (SOHR) ragihandiye ku endamên DAIŞê bi ser maleke li Dêrazorê navçeya Bisêrê de girtine û ji wan daxwaza 1000 dolaran kirine.
Piştre çekdaran 2 kes revandine û ew bi serjêkirinê kuştine.
Berî niha hatibû belavkirin ku çekdarên DAIŞê gef li karmendên parzûngehan xwarine û "zekat" li ser wan ferz kirine.
Di van demên dawî de şaneyên DAIŞê yên raketî li biyaban û deştên Sûriye dîsa çalak bûne û rojane binpêkirinên mafên mirovan pêk tînin.