Li bajarê Sine aktîvîsteka kurd hat girtin û ber bi cihekî ne diyar ve hat birin.
Malpera mafên mirov ya Hengawê ragihandiye, duhî hêzên asayişa Îranê li bajarê Sine ketin mala aktîvîsta kurd Roya Celalî û ew girtin.
Li gorî agahiyan, heta niha nayê zanîn Roya Celalî birine ku. Malbata wê jî gelekî nîgeran bûne ji ber ku Roya Celal diya du zarokan e û nexweşiya wê ya MS heye.
Roya Celalî di warê mafên jinan de kar dike. Par meha Çile jî hevjînê wê yê jîngehparêz Xebat Mefaxirî hatibû girtin lê piştî 4 mehan bi şert hatibû berdan.