roja Çarşemê, 15ê Cotmeha 2025an, Serok Mesûd Barzanî li Pîrmamê pêşwazî li şandeyeke bilind a Encûmena Niştimanî ya Kurd li Sûriyeyê (ENKS) kir. Şandeya mêvan ji sekreterên partiyên siyasî yên di nav ENKSyê de pêk dihat.
Di civînê de, rewşa siyasî ya herêmê û geşedanên dawî yên li Rojavayê Kurdistanê û Sûriyeyê bi hûrgilî hatin gotûbêjkirin û danûstandina bîr û ramanan li ser van mijaran hate kirin.
Serok Barzanî di hevdîtinê de bal kişand ser rewşa gelê Kurd a li Rojavayê Kurdistanê û Sûriyeyê û tekezî li ser giringiya yekrêziya di navbera aliyên siyasî yên Kurdî de kir.
Herweha, Serok Barzanî daxwaz kir ku hemû aliyên Kurdî ji bo bihêzkirina bingehên aştiya civakî û pêkvejiyana di navbera Kurd, Ereb û pêkhateyên din ên Sûriyeyê de bi awayekî aktîf bixebitin.