Li çoltera bajarê Serê Kaniyê yê Rojavayê Kurdistanê 2 kes bi guleyên cendirmeyên Tirkiyeyê hatin kuştin û 3 kes jî birîndar bûn.
Çavkaniyên Rêveberiya Xweser ragihand, 5 kesan hewl daye ji gundê Metleyê yê rojhilatê Serê Kaniyê sînor derbas bikin.
Hat ragihandin ku di encamê de 2 ji wan bi guleyên cendirmeyan hatine kuştin û 3 kes jî birîndar bûne.
Li gorî heman çavkaniyan, rayedarên Tirkiyeyê nehiştiye ku birîndar ji bo Bakurê Kurdistanê werin veguhastin û li gorî zanyariyan rewşa tenduristiya wan ne baş e.
Her wiha hat zanîn ku termên her du kuştiyan jî li Nexweşxaneya Niştimanî ya Serê Kaniyê ne.