Sekreterê Giştî yê Partiya Demokrata Kurdistan a Rojhilat (PDK-Rojhilat) Xalid Ezîzî bi nameyekê daxuyand ku wî dev ji erka xwe berdaye.
Xalid Ezîzî di nameya xwe de behsa sedemên berdana erka xwe nekir lê da zanîn ku ew ê weke endamekî rêveberiyê bimîne. Ji ber berdana erk a Ezîzî divê rêveberiya PDK Rojhilat di nava 2 mehan de sekreterê xwe yê giştî hilbijêre.
Tê ragihandin ku ji bo endamtiya sekreteriyê navê kesên wekî Cîgirê Sekreterê wê partiyê Mistefa Mewlûdî, Endamê Komîteya Navendî Aso Hesenzade û Endamê Deftera Siyasî Mistefa Şelmaşî derbas dibe.
Xalid Ezîzî di sala 2006a de bûbû rêberê PDK Rojhilat û wî ji bo yekîtiya partiyên Kurdên Kurdistana Îranê û siyaseta sivîl hewl dida.