Şandeka serbazî ya Amerîka li Enqerê bi berpirsên Tirkiyê re li ser “herêma aram” hevdîtin kir.
Wezareta Berevaniya Tirkiyê ragihandiye, îro danê sibê şandeka serbazî ya Amerîka gihîşt Enqerê. Hevdîtin bi wê şandê re li ser “herêma aram” dest pê kirin.
Li gorî agahiyên wê wezaretê, hevdîtinê saet 10:00 dest pê kiriye û heta niha jî didome.
Ew şanda Amerîkî di demekî de diçe Tirkiyê ku duhî serokê Tirkiyê Recep Tayyip Erdogan tehdîd kiribû ku dê êrişî Rojavayê Kurdistanê bikin.
Tirkiye dibêje, lazim e herêma aram bi dilê me be eger na emê êrişî Rojavayê Kurdistanê bikin. Amerîka jî vê yekê qebûl nake.