Serokomarê Îranê Hesen Rûhanî, di 31ê Gulanê çû Mehabadê li wir navenda petrokîmyaya Mehabadê, ku çêkirina wê 14 salan dom kir, vekir.
Di merasima vekirina petrokîmyayê de, parlamenterê kurd û nûnerê Mehabadê li Parlamentoya Îranê Celal Mehmûdzade rexne li hikûmetê girt û got, mixabin tenê % 25ê eleman û ew kesên ku di petrokîmyayê de kar dikin, Mehabadî ne, ev jî li dijî siyaseta hikûmetê ya afirandina derfetên kar ji bo gencan e.
Celal Mehmûdzade diyar kir ku rêveber û rayedarên petrokîmyaya Mehabadê, bi dîplomayên nizim ji bajar û deverên din hatine û got, Mehabadî tenê di asta karkir de hatine wergirtin.
Celal Mehmûdzade her wiha ji Rûhanî xwest, destûra vekirina navenda zimanê kurdî li Mehabadê bide.