Serokê Komara Îslamî ya Îranê Hesen Rûhanî bi rêya telefonê bi Serokomarê Tirkiyê Recep Tayyip Erdogan re axivî û behsa şerê Qerebaxê û peywendiyên navbera her du welatan kirin.
Di peywendiya telefonî de Hesen Rûhanî ragihandiye ku her sê welatên Îran, Tirkiye û Rûsya dikarin bi hemahengiya ligel hev û di çarçoveya yasayên navdewletî de rêzgirtina serweriya kêşeya herêma Nagorno-Qerebaxê çareser bikin û aramî vegere herêmê.
Rûhanî diyar kiriye ku Tirkiye li ser parastina asayîşa sînorên xwe yên ligel Ermenistan û Azerbaycanê rijd e.
Li ser qeyrana Sûriyê, Serokomarê Îranê Hesen Rûhanî eşkere kiriye ku Tehran dixwaze bi hemahengiya Rûsya û Tirkiyê kêşeyên Sûriyê werin çareserkirin û yekparçebûna axa Sûriyê were parastin.