Kompaniya Rosneftê ji hemû kompaniyên din zêdetir sermaye aniye Başûrê Kurdistanê.
Serokê Lijneya Petrol û Enerjiyê yê li Parlementoya Rûsyayê Pavel Zavalnî diyar dike ku ev herêm ji bo wan cihekî girîng e û kar tê de dikin.
Hikûmeta Iraqê çendîn car gilî û gazindan ji peywendiyên rasterast ên kompaniya Rûsî ligel Başûrê Kurdistanê kiriye, bi taybetî ji Rosneftê. Li gor gotina Balyozê Iraqê, biryar bû Serokê Kompaniya Rosneftê serdana Bexdayê bike û li ser vê mijarê bi Serokwezîrê Iraqê Heyder Ebadî re bicive, lê belê Kompaniya Rosneft ti car vê yekê piştrast nekir.