Navenda Nûçeyan - Li navçeya Heskîfê, ava bendavê her diçe bilind dibe û ew navçeya kevnar a 12 hezar salî dibin avê dimîne. Ji ber bilindbûna ava bendavê, hemû rêyên bejayî yên navçeyê hatine qutkirin.
Di van çend rojên dawîyê de ji ber barana zêde, ava bendavê bilind bû û gihişte asta pîra xelkê pê re çûn û hatin dikir.
Hêzên asayişê, weke tedbîr rêyên bejayî yên têketinê, ji çûn û hatina mirov û wesayîtan re girtin.
Li alîyê kelha dîrokî çêkirina benderê bidawî bûye, lê li alîyê cihê nû yê Heskîfê xebatên çêkirina bendera nû berdewam in. Piştî ku çêkirina benderê bidawî bû, hatin û çûna navçeyê dê tenê bi belam û botan were kirin.