Rêveberiya Xweser a Rojavayê Kurdistanê “Yasaya Parastina Zarokan” pesend dike û di destpêka sala 2022yan de dikeve warê cîbicîkirinê.
Hevseroka Nivîsgeha Parastina Zarokan di Milmilaniyên Çekdar de, ya ser bi Rêveberiya Xweser a Rojavayê Kurdistanê Newroz Elî ragihand ku li gorî rêkeftina ku di navbera Hêzên Sûriyeya Demokratîk (HSD) û Neteweyên Yekbûyî de hatiye îmzekirin, Rêveberiya Xweser ew Nivîsgeha Parastina Zarokan di yekê Cotmeha 2020an de vekir û hejmarek ji nivîsgehan ser bi wê nivîsgehê hene.
Li gorî gotina Newroz Elî, peyreweke navxwe ji wan nivîsgehan re hatiye danîn û daxuyaniyeke giştî derbarê sînordarkirin û rêgirîkirinê li ber karkirina zarokan ragihand. Di nav de jî rawestandin û qedexekirina leşkerkirina zarokan.
Newroz Elî nîşan bi wê yekê jî da ku kar li ser cîbicîkirina mafên zarokan di perwerde û fêrbûnê de dikin, tekezî li ser wê yekê jî kiriye ku di destpêka sala 2022yan de, Yasaya Parastina Zarokan li Rêveberiya Xweser dê bê pesendkirin.