Li parêzgeha Siwêdayê piştî komkujiyên dawiyê, alozî û kirîzeke mirovî ya mezin rû daye ku xelkê Siwêdayê ji Rojavayê Kurdistanê banga alîkariye kiribû.
Rêveberiya Xweser a Rojavayê Kurdistanê li ser bangên welatiyên parêzgehê, alîkariyên mirovî bi rêya Desteya Kar û Barên Civakî û Kedkar re amadekarî kirin.
Desteyê diyar kiriye ku wan di çarçoveya alîkariya bi Siwêdayê re karwanê alîkariyan amade kiriye, lê hîna alîkariyên wan di depoyan de ne û ew li bendê ne korîdorek mirovî ya bi ewle were vekirin, da ku alîkariyan di zûtirîn demê de derbasî Siwêdayê bikin.
Li gorî zanyariyan, desthilatên hikumeta veguhêz a Sûriyê astengiyan derdixin û heta niha jî bersiveke fermî ji bo derbaskirina karwanê alîkariyan nedane.
Rêveberiya Rojava û saziyên wê hewldanên ji bo vekirina korîdoreke ewle ji bo derbaskirina alîkariyan didomînin, lê heta niha bersiva wan nehatiye dayîn.