Pêka daxuyaniya Geşta Esmaniya Îranê, tevaviya firînên bi armanca serdan û beşa herî zêde ya firînên giştî li seranserê Îranê heta agehdarkirina bê, hatine sekinandin.
Pêka vê daxuyaniyê, tenê firînên hikûmî û serbazî, firînên bi armanca peydakirin û rizgarkirin li bûyeran û yên pizîşkî û herwisa firînên taybet ku derfetname vergirtibin, dikarin firînên esmanî hebin û bilî wan, hemî firînên sefer û geştên medenî hatine sekinandin.
Egera vê heye ku rêjîma Îranê bo kontrolkirina esmanê Îranê ku heta niha şiyana serast a kontrolkirina vê nebûye, sedema biryardanek wiha be.
Rêjîma Îranê li lawaztirîn rewşa berevaniya esmanî de ye û jêrxanên berevaniya esmanî ya Îranê, li şerê pêştir de, ji aliyê Îsraîlê ve bi tevavî hatine jinavbirin, ku her ev jî sîstemên kevin bûn ku bi dirafeke çendîn qat zêde ji welatên wek Rûsiyê kirûbûn.
Li demekê de ku basê egera êrîşa Amerîka bo ser rêjîmê tê kirin, gelek welat û şirketên geştên esmanî, hatin û çona bo Îranê û derbasbûna ji Esmanê Îranê re, ragirtine.
Herwisa gelek welatan huşdarî dane welatiyên xwe ku xwe ji çona bo Îranê biparêzin, yan hekî li Îranê bin, bi lez ji Îranê derkevin.