Pisporekî Amerîkî dibêje, Tirkiye ji bona petrolê dixwaze êrişî Rojavayê Kurdistanê bike, terorbehane ye!
Pisporê Amerîkî û endamê Enstîtuya Enterprise, Michael Rubin li ser gef û tehdîdên Tirkiyê yên li hember Rojavayê Kurdistanê gotarek nivîsiye. Rubin di gotara xwe ya bi navê “Qesta Tirkiyê ji herêma ewle, petrol e ne teror” de, ku di malpera Washington Examiner de hatiye belavkirin, gotiye, Tirkiye dixwaze bi êrişa li dijî Rojavayê Kurdistanê sê armancan bicîh bîne:
*Ya yekem ew e ku Tirkiye dixwaze mîna Efrînê wê herêmê dagîr bike û demografiya kurdî ya wir jî mîna Efrînê biguherîne.
*Ya duyem jî ew e; ji ber ku siyaseta navxweyî ya Erdogan di warên aborî û siyasî de rastî şikestê hatiye, Erdogan dixwaze bi vê yekê hinekî şikestên xwe veşêre
*Armanca sêyem û esasî jî ew e ku Tirkiye dixwaze petrola ku di bin destê kurdan de ye, zeft bike û bi wî rengî aboriya xwe bihêz bike
Bi gotina wî pisporî, Tirkiye dixwaze wan her sê armancan, yan bi rêka pêkanîna herêma ewle bi dest bîne yan jî bi darê zorê.