Rêveberiya Serok Joe Biden dubare dibêje, hewil didin ku girjiya di navbera Îsraîl û Filistînê de kêm bibe û li Gazze aştîyeke mayînde çêbibe.
Berdevka Qesra Spî Jen Psaki di preskonferansa rojane de ser girjiya di navbera Îsraîl û Filistînê de axifî û da zanîn, Amerîka dê bo girjiya Îsraîl û Hamas ya Gazze kontrol dike, bi awayekî dîplomatîk çareser bike pêwendiyên xwe yên herêmê heta dawî bikar bîne. Psaki got: ‘‘Bala me li ser kêmkirina girjiyê ye. Ew li hember tiştên me dîtine bertekeke însanî ye.’’
Jen Psaki herwiha destnîşan kir, Serok Biden û hin kesên di tîma wan de ne bi salan ser Rojhilata Navîn xebitîne û got, ji ber ew dizanin ji bo encameke bi bandor, divê hin hevdîtin bi awayekî veşartî werin kirin.