Welatperwerê kurd, kedkarê doza azadîya Kurdistanê, dost û hevalê me yê hêja kek Mehmet Vûral roja 27.02.2026ê ji ber nexweşîya xwe koça dawî kir.
Roja 28.02.2026ê li Amedê li Qebrîstana Yenîkoyê, ji bo cenazeyê Mehmet Vûral merasîma ewil hate li dar xistin.
Li gel malbat, heval û hezkirî, nas û dostên kek Mehmet Vûral, nûnerên partîyên siyasî, dezhehen sivîl û gelek sîyasetmedar û rewşenbîrên kurd beşdarî vê merasîmê bûn.
Paşê girseyeke mezin bi konvoyeke mezin a otomibîlan li gel cenazeyê Mehmet Vûral ji Amedê ber bi gundê Kela Çemdînê yê Wêranşarê bi rêketin.
Cenazeyê Mehmet Vûral li gundê Kela Çemdînê, gundê Mehmet Vûral, bi beşdarîya girseyeke mezin hate veşartin.
Rêvebir û endamên PWKyê li Amed û Gundê Kela Çemdînê beşdarî merasîma cenazeyê Mehmet Vûral bûn.
Li merasîma ku li Amedê li Qebrîstana Yenîkoyê li dar ket de, Cîhgirê Serokê Giştî yê Partîya Welatparêzên Kurdistanê (PWK) Mehmet Can Azbay di derbarê jîyan, xebat, rol û girîngîya welatperwerê kurd, kedkarê doza azadîya Kurdistanê Mehmet Vûral de axaftinek kir.
Mehmet Vûral ji 50 salî zêdetir e ku di nav refên azadîya Kurdistanê û xebatên mafê mirovan, xebatên sîyasî, sivîl, demokratîk de wek kadroyekî pêşeng cîh girtibû.
28.02.2026
Buroya Ragehandinê ya Partîya Welatparêzên Kurdistanê (PWK)