Partîya Welatparêzên Kurdistanê (PWK) di roja 17.12.2025ê, li Teşkîlatên Amed, Mêrdîn, Batman û Wanê û li nûneratîya Stenbolê ya PWKyê Roja Alaya Kurdistanê pîroz kir.
Li gel rêvebir û endamên PWKyê, sîyasetmedar û rewşenbîrên kurd jî beşdarî van pîrozbahîyan bûn.
Amed
Partîya Welatparêzên Kurdistanê (PWK) di roja 17.12.2025ê, li Teşkîlata Amedê ya PWKyê Roja Alaya Kurdistanê pîroz kir.
Li gel rêvebir û endamên PWKyê, nûnerên HAK-PARê, Serokê PDK KURD Reşît Akici, Beredevkê Platforma Zimanê Kurdî Şerefxan Cizîrî, nûnerê Weqfa Îsmaîl Beşîkçî Şerefxan Yetîz û sîyasetmedar û rewşenbîrên kurd beşdarî vê pîrozbahîyê bûn.
Pîrozbahî û semînera Roja Alaya Kurdistanê ya li Teşkîlata PWKyê ya Amedê, bi rêzgirtina ji bo şehîdên Kurdistanê destpêbû.
Di destpêkê de Berdevkê PWKyê Hanîfî Tûran, bixêrhatina beşdaran kir û di derbarêgirîngîya Roja Alaya Kurdistanê de kurte axaftinek.
Paşê Cîhgirê Serokê Giştî yê PWKyê Mehmet Can Azbay, daxuyanîya PWKyê ya di derbarê Roja Alaya Kurdistanê de xwend û di derbarê Roja Alaya Kurdistanê de semînerek da.
Mehmet Can Azbay, di derbarê dîroka Alaya Kurdistanê de agahdarî da û wek nirxeke neteweyî, niştimanî behsa girîngîya Alaya Kurdistanê û girîngîya Roj Alaya Kurdistanê kir.
Sîyasetmedar û rewşenbîrê kurd Îbrahîm Guçlu jî di derbarê Roja Alaya Kurdistanê de axaftinek kir. Şerefxan Yetîz ê kurê seydayê rehmetî Seydayê Gurdilî,helbestek Seydayê Gurdilî ya di derbarê Roja Alaya Kurdistanê de xwend.
Pîrozbahîya PWKyê ya ji bo Roja Alaya Kurdistanê li Amedê li dar xist, bi qelebalixîyeke baş û bi coşeke neteweyî pêk hat.
Mêrdîn
Partîya Welatparêzên Kurdistanê (PWK) îro li Qoser a Navçeya Mêrdînê Roja Alaya Kurdistanê pîroz kir.
Endam û rêvebirên PWKyê yên Qoserê li gel kesayetên welatperwer û hinek endamên partîyên Rojavayê Kurdistanê, bi Alayên Kurdistanê li Cadeya Ruhayê, li ber avahîya PWKyê ya Mêrdînê kom bûn. Xwestin Roja Alaya Kurdistanê pîroz bikin.
Lê Polîsên Qoserê midaxale kirin. Gotin ‘’Nabe ku hûn van Alayên Kurdistanê hildin û daxuyanîyê bidin’’. Polîsan xwestin Alayên Kurdistanê ji destên beşdarên çalakîyê werbigrin. Lê beşdarên çalakîyê serê xwe netewandin û Alaya Kurdistanê nedan polîsan.
Paşê Serokê Teşkîlata Mêrdînê ya PWKyê Nezîr Gelerî jî bi Alayên Kurdistanê daxuyanîya PWKyê xwend.
Polîsên Qoserê bi hêjmareke gelekî zede, li be avahîya PWKyê rawetîyan û nasnameya beşdaran pirsîn û xwestin çavtirsandinekê bikin. Lê beşdarên çalakîyê bi Alayên Kurdistanê çalakîya xwe pêk anîn.
Piştî daxuyanîya li ser rêya Ruhayê hate xwendin, endam û rêvebirên PWKyê û rewşenbîr û siyasetmedarên kurd li avahîya Teşkîlata Mêrdînê ya PWKyê beşdarî semînera Nezîr Gelerî ya di derbarê Roja Alaya Kurdistanê bûn.
Li gel rêvebir û endamên PWKyê, nûnerên PDK-Bakur, PDK-Surîye, Partîya Demokrat a Kurd Li Sûrîye(EL Partî) û Tevgera Azadîya Kurdistanê Li Sûrye û kesayetên serbixwe yên welatperwer beşdarî semînerê bûn.
Midaxaleya polîsên Emnîyeta Qoserê nîşana bêrêzîya li Alaya Kurdistanê ye, nîşana bêtehamulîya wan a li dijî nirxên miletê Kurd e, bêtehamulîya azadîya ramanî û rêxistinîyê ye.
Em êrîşa polîsên Emnîyeta Qoserê ya li ser çalakîya PWKyê ya ji bo Roja Alaya Kurdistanê şermezar dikin.
Batman
Şaxa Batmanê ya Partîya Welatparêzên Kurdistanê roja 17.12.2025ê Roja Alaya Kurdistanê pîroz kir.
Di destpêka bernameyê de ji bo şehîdên Kurdistanê rêz hat girtin û siruda netewî hat xwendin.
Serokê Şaxa Batmanê yê PWKê Azîz Ozdemîr bixêrhatin da mêvanan û kurte axaftinek kir.
Paşê Aziz Ozdemîr daxuyanîya PWKyê ya di derbarê Roja Alaya Kurdistanê de xwend .
Piştî Azîz Ozdemîr, Endamê Meclisa Partîyê ya PWKyê Hamdusena demîrel di derheqê dîrok û girîngîya Alaya Kurdistanê de semînerek da.
Mamoste Sait Aksoy behsa hinek hurguliyên Koçgirîyê kir.
Rewşenbîrê kurd Şexmus Hamo jî helbestek xwend.
Seminer û pîrozbahî û axaftin bi sînevîzyoneke bê deng bidawî bû.
Ji bo li mala jî Roja Alaya Kurdistanê bête pîroz kirin al li bêşdaran hate belavkirin.
Roja Alayê serkeftî û bi coş hate pîroz kirin.
Wan
Li Wanê Serokê Teşkîlata Wanê ya PWKyê Husamettîn Acar bixêrhatina beşdaran kir û daxuyanîya PWKyê ya di derbarê Roja Alaya Kurdistanê de xwend.Paşê jî di derbarê Roja Alaya Kurdistanê de semînerek da.
Husamettîn Acar di derbarê dîroka Alaya Kurdistanê de agahdarî da û wek nirxeke neteweyî, niştimanî behsa girîngîya Alaya Kurdistanê û girîngîya Roj Alaya Kurdistanê kir.
Stenbol
Li Stenbolê bi moderatorîya Nûnerê Stenbôlê yê PWKyê Cengîz Gungor, semînerek hate li dar xistin. Di destpêkê de Cengîz Gungor bixêrhatina beşdaran kir û di derbarê girîngîya Roja Alaya Kurdistanê de kurte axaftinek kir.
Paşê endamê Komîteya Birevebir a Navendî ya PWKyê Kasim Ergun daxuyanîya PWKyê ya di derbarê Roja Alaya Kurdistanê de xwend û di derbarê Roja Alaya Kurdistanê de semînerek da.
Kasim Ergun, di derbarê dîroka Alaya Kurdistanê de agahdarî da û wek nirxeke neteweyî, niştimanî behsa girîngîya Alaya Kurdistanê û girîngîya Roj Alaya Kurdistanê kir.
Buroya Ragehandinê ya Partîya Welatparêzên Kurdistanê (PWK)
PWK, Diyarbakır, Mardin, Batman, Van ve İstanbul'da Kürdistan Bayrağı Günü'nü Kutladı