Partiya Welatparêzên Kurdistanê (PWK) îro daxuyaniyek belav kir û êrîşa nijadperestî ya li ser karkerên Kurd ên demsalî li navçeya Borê ya parêzgeha Nîgdeyê, bi tundî şermezar kir.
Daxuyaniya PWKê wiha ye:
Em êrîşa nîjadperestî ya li ser karkerên kurd şermezar dikin
Karkerên demsalî yên ji navçeya Sêweregê ya Rihayê, li navçeya Borê ya Nîgdeyê rastî êrişeke nijadperestan hatine.Di encama vê êrîşê de çend karkerên kurd birîndar bûne.
Ev êrîş, encama siyaset û helwesta Dewleta Tirkîyeyê ya ku li ser dijateyîya kurdan tê meşandin e.
Divê nîjadperest bizanibin ku miletê Kurd eve 100 sal e li himberî sîyaseta nîjadperestî, înkar, îmha û dijminatîya kurdan, sere xwe netewandîye û dê ji îro pê ve jî netewîne.
Em bangî rayedarên Dewleta Tirkîyeyê dikin da ku demildest wan êrîşkeran bigrin û cezaya pêwîst bidin wan.
Em bangî hemû kes û alîyên gelê tirk yên li dijî nîjadperestîyê ne dikin da ku li himberî êrîşên weha yên hovane helwestê bigrin.
Em bangî dezgehên mafên mirovan û baroyên li Kurdistanê ne dikin da ku ji bo ew nîjadperest bê ceza nemînin gavên pêwîst bavêjin.
Em vê êrîşa nîjadperestên tirk ya li ser karkerên kurdan şermezar dikin.
29.08.2025
Buroya Ragehandinê ya Partîya Welatparêzên Kurdistanê (PWK)