Partîya Welatparêzên Kurdistanê (PWK), bi daxuyaniyekê êrîşa Dewleta Îranê ya li ser baragehên Partîya Azadîya Kurdistanê (PAK) bi tundî protesto kir.
Daxuyaniya PWKê wiha ye:
Em êrîşa li ser pêşmergeyên PAK a Rojhilatê Kurdistanê protesto dikin
Li gorî ragehandina ku ji alîyê Partîya Azadîya Kurdistanê (PAK) hatîye kirin, roja 21.01.2026ê, Dewleta Îranê êrîşek bi füze û dronan birîye ser baragehên PAKê yên li Başûrê Kurdistanê û di encamê de pêşmergeyekî PAKê bi navê "Nebez" (Muzaffer Muhammadzade) şehîd ketîye.
Serokê Giştî yê Partîya Welatparêzên Kurdistanê (PWK) Rêzdar Mustafa Ozçelîk bi Serokê PAKê Rêzdar Husên Yezdanpena re peywendîyeke telefonî pêk anî û ev êrîşa Dewleta Îranê protesto kir, piştgirîya PWKyê bi xuşk û birayên me yên PAKê re anî zimên.
Rêzdar Husên Yezdanpena jî ji bo vê piştgirîyê neteweyî, niştimanî ya PWKyê spasîya rêzdar Mustafa Ozçelîk kir.
Şehîdên Kurdistanê nemir in.
Tu êrîş, îdam, qetlîam û zordarî dê nikaribe rê li be azadîya gele me yê Rojhilatê Kurdistanê bigre.
21.01.2026
Buroya Ragehandinê ya Partîya Welatparêzên Kurdistanê (PWK)