Navenda Nûçeyan - Şeva borî 23.02.2020ê wezîrê derve yê Amerîkayê Mike Pompeo peyvendîyekî telefonî li gel Mihemed Tofîq Elawî pêkanî.
Piştî wê peyvendîya telefonî Pompeo di tora xwe ya civakî twitterê de ragehand, di peyvendîyekî telefonî ya li gel Elawî de amaje bi wê yekê kirîye ku hikûmet pêwîste dawî bi tundîya dijî xwepêşanderan bîne.
Pompeo ragehand, daxwaza çaksazîyê li hikûmeta Iraqê û ceza kirina destdirêjkaran bo ser xwepêşanderan kirîye, bi awayekî bibe sedem ku daxwazên rewa yên xwepêşanderan bên bicîhanîn.
Herwaha berdevka wezareta derve ya Amerîkayê Morgan Ortagos jî ragehand, wezîrê derve yê Amerîkayê daxwaz ji Mihemed Elawî kirîye, pirsgirêkan li gel rêveberîya sîyasî ya Kurdistanê û sunneyan çareser bike.
Mike Pompeo herwaha ji Elawî re ragehandîye, divê Iraqê pêbend be bi parastina hêzên Amerîkayê û nûnerên dîplomasîyê.
Basnews