Rêzdar Mistefa Hicrî, Berpirsê Navenda Birêveberiya Giştî ya Hizba Dêmokrat a Kurdistana Îranê, bi hilkefta 16ê Adarê, salvegera kîmiyabarankirina Helebçê ji aliyê rêjîma Beis a Êraqê ve, peyamek belav kir.
Deqa peyamê wiha ye:
16ê heyva 3 a Zayînî, 36emîn salroja karesata komkujî û kîmiyabarankirina Helebçê ye, li vê rojê de sala 1988 a Zayînî de ji aliyê hikûmeta berê ya Îraqê vê bi bombên kîmiyayî êrîş bo ser bajarê Helebçê li başûrê Kurdistanê hate kirin. Li encamê de gorî zaniyariyan nêzî 5 Hezar kes ji xelkê vî bajarî şehîd bûn û hezaran kesên dinê jî birîndar bûn.
Li vê bîranînê de em silavan dihinêrin bo rihê paqijê wan şehîdan û rêz û hurmeta me bo birîndarên vê karesatê û hemû xelkê dilbirîndarê Helebçê.
Ev roja, hemû wan cinayet û komkujiyan tîne bîra me ku dijminên azadiya netewa me li hemû beşên Kurdistanê de kirine û her yek bi şêwazekê heta niha jî her berdewam e.
Komara Îslamiya Îranê, mînakeke berçav ya wan cure hikûmetan e ku li destpêka desthilatdariya xwe de bi 10an hezar Kurd tenê bi tawana Kurdbûn û mafxwaziya wan, bi rêya komkujkirin, teror, birsîkirin, tûşkirin bi madên hişber û … kuştine û hezaran kes ji çalakvanên siyasî yên Kurd xistine zindana û heta rehmê bi jîngeh, kultûr, ziman û dîroka wî xelkî jî nekirine.
Balkêş e ku ew rêjîma heta niha 10an cih ên niştecîbûna Kurdên Rojhilatê Kurdistanê, li Herêma Başûrê Kurdistanê de jî bombebaran kirine û bi hêcetên cuda, cihê niştecîbûna hejmarek ji xelkê wî beşa Kurdistanê jî kirine armanca mûşek û dironên xwe û bûne sedema kuştina jin û zarokan û malwîraniyê.
Tevî bîranîna qurbaniyên karesta kîmiyabarankirina Helebçê û hemû şehîdên Kurdistanê, em dibêjne hemî tawnbaran û bi taybet rêjîma Komara îslamî ku encama rêjîmeke tejî rojreşî bo xelkê, dê her ew encam hebe ku rêjîma bikerê tawana Helebçê rastî vê hat; Lewma ew rêjîma nikare bê bikaranîna siayseta hinardekirina kirîzan bo derve û sitemkirin li xelkê, dirêjiyê bide temenê hikûmeta xwe ya dîktator û ya ku serdikeve, tevgera rewa ya xelkê ye.
Mistefa Hicrî
Berpirsê Navenda Birêveberiya Giştî ya Hizba Dêmokrat a Kurdistana Îranê
16ê Adara 2024