Navenda Nûçeyan - Oldarê êzdîyan li perestgeha Laleşê Babe Çawiş peyamek belav kir û bangewazîyê dike xelk ji malên xwe dernekevin û pêbend bin bi rênmayîyên tenduristîya hikûmeta herêma Kurdistanê ve.
Peyam waha ye:
Ev rewşa naha ya cîhan tê de derbas dibe, ji xwedayê mezin daxwaz dikim ku temamê mirovahîyê parastî be û di bin çavdêrîya wî de be. Ji bo jîyaneke saxlem û hemû ezîzên me sax û silamet bin. Bangewazîyê dikim ku xelk ji malên xwe dernekevin û pêbend bin bi rênmayîyên wezareta saxlemîya hikûmeta herêma Kurdistanê ve, ku em hemû dûrbin ji vê şewbê.