Wezareta Şer a Amerîkayê ragihand ku di şerê li Îranê de ku 7 hefte li pey xwe hiştine, hejmara leşkerên Amerîkayê yên birîndar gihîşt 400î.
Wezareta Şer a Amerîkayê (Pentagon) eşkere kir ku piraniya birîndaran karmendên Hêzên Bejayî ne.
Di hefteya 7emîn a şerê Amerîka, Îsraîl û Îranê de, Pentagonê li ser zereran daxuyaniyeke nû belav kir.
Di daxuyaniya fermî de hat piştrastkirin ku ji destpêka şer ve, ji yekîneyên cuda bi giştî 400 leşker birîndar bûne.
Di rapora hûrgilî ya Pentagonê de, dabeşbûna leşkerên birîndar a li gorî yekîneyên wan jî diyar bû.
Li gorî raporê, Hêzên Bejayî bi 271 birîndaran di rêza yekem de ne ku herî zêde zerer dîtiye.
Piştî wan, Hêzên Deryayî bi 64 birîndaran, Hêzên Asmanî bi 46 birîndaran û Peyadeyên Deryayî (Marines) bi 19 birîndaran tên.
Hejmara kuştiyan nehatiye guhertin
Tevî ku hejmara birîndaran zêde bûye jî, Pentagonê ragihand ku di hejmara leşkerên ku hatine kuştin de ti guhertin nînin.
Amerîka operasyona ku li herêmê bi rê ve dibe bi navê "Hêrsa Destanî" (Operation Epic Fury) bi nav dike.
Agahiya ku ji destpêka şer ve 13 leşkerên Amerîkayê hatine kuştin, hîn jî wekî xwe dimîne.