Navenda Nûçeyan-Parlementoya Iraqê îro li ser alozî û xwepêşandanên Iraqê, pilana hikûmetê bo nehîştina xwepêşandanan û îhtimala lidarxistina hilbijartinên pêşwext dicive.
Parlementerê kurd û endamê firaksîyona PDKê li parlementoya Iraqê, Şêrwan Dûberdanî ji BasNewsê re got, îro parlementoya Iraqê dicive. Di civînê de behsa alozî û xwepêşandanan her wiha pilana hikûmetê bo nehîştina xwepêşandanan û îhtimala lidarxistina hilbijartinên pêşwext tê kirin.
Şêrwan Dûberdanî her wiha got, yek ji mijarin din yên rojeva civîna îro, qanûna xanenişînîyê û îmtiyazên berpirsên hikûmetê ye.
Çavkanî: Basnews