Parlementoya Yekîtiya Ewropayê îro hemahengî û piştevaniya xwe ji bo Yewnanistan û Qibrisê cardin anî ziman û daxwaz kir ku Tirkiye dest ji lêgerîn û pişkinîna li Deryaya Spî berde û li deverên kêşe li ser, li gazê negere.
Herwiha Parlementoya Yekîtiya Ewropayê reftarên Tirkiyê yên li devera aborî ya Yewnanistan û Qibrisê şermezar kir.
Şermezarkirina Tirkiyê bi biryarekê bû ku 601 parlementerên Ewropî deng dan û tenê 57 parlementer nerazî bûn û 36 parlementer jî bêdeng man.
Parlementoya Yekîtiya Ewropayê nîgeraniya xwe ya kûr li ser berdewamiya milmilaniyên herêmê û serkêşana bo milmilaniya serbazî di navbera endamên Yekîtiyê (Yewnanistan û Qibris) ligel welatekî endamê NATOyê nîşan da.
Herwiha daxwaz kir ku Tirkiye rêya danûstandinê bigre ber xwe û nîgeraniya xwe li ser rewşa peywendiyên navbera Yekîtiya Ewropayê û Tirkiyê nîşan da û tekez kir ku divê hemû wan hêzên çekdarî yên ku şandine herêmê, vekişînin.
Yekîtiya Ewropayê dûr nabîne ku di vê çarçoveyê de siza bi ser Tirkiyê de bisepîne û hewl bide Enqerê neçar bike ku bi rêya sizayan ji biryar û siyaseta wê ya yekalî, wê dûr bixe.