Hemû parlamenterên Kurd ên li parlamentoya Îranê nameyek ji Rêberê Îranê Elî Xaminêyî re şandin û rexne li ragihandin û kanalên fermî yên Îranê girtin û diyar kirin ku li Îranê bêrêzî û heqaret li çanda kêmnetewan tê kirin, bi taybetî jî li Kurdan.
Duhî nûnerên bajarên Rojhilatê Kurdistanê yên li Parlamentoya Îranê nameyek ji Rêberê Îranê Elî Xaminêyî re şandin.
Parlamenterên Kurd di nameya xwe de diyar kirine ku li kanalên fermî yên Îranê, bêrêzî li çand û hunera kêmnetewan tê kirin.
Herwiha destnîşan kirine ku berdewambûna vê bêrêziyê, yekbûn û asayîşa niştimanî ya Îranê dixe metirsiyê.
Nameya parlamenterên Kurd piştî wê yekê hat, ku çend roj berê, pêşkêşvanê kanaleke Îranê, ji cil û bergên Kurdî re digot "cilên şivanan".