Endamê Komîteya Bireveberîya Navendî (KBN)ya PAKê Orhan Kaya roja 10.01.2017an, li Hewlêrê, bi minasebeta sersaxîyê, seredana PAK a Rojhilatê Kurdistanê kir.
Endamê Mekteba Siyasî û nûnerê Başûrê Kurdistanê yê PAK a Rojhilatê Kurdistanê Xelîl Nadirî pêşewazîya Orhan Kaya kir.
3 Pêşmergeyên PAK a Rojhilatê Kurdistanê di roja 07.01.2017an, li Kerkûkê bi êrîşeke terorî ya DAIŞê hatibûn şehîd kirin.
Endamê KBN ya PAKê Orhan Kaya, di vê seredanê de, piştgirîya Partîya me jibo birayên me yên Rojhilatê Kurdistanê anî ziman û sersaxî ji PAKê, ji malbatên şehîdan û ji gelê Kurdistanê re xwest.
Endamê Mekteba Sîyasî û nûnerê Başûrê Kurdistanê yê PAKê Xelîl Nadirî ji ber vê seredanê û piştgirîya PAKê spasîya Orhan Kaya kir.
Herweha Orhan Kaya silav û peyama sersaxîyê ya Serokê Giştî yê PAKê Mustafa Ozçelîk jî gîhand serkirdayetîya PAK a Rojhilatê Kurdistanê.