Peyama Özçelikî wiha ye:
“Wekîlê Mîrê Kurdên Êzidî birêz Mîr Kamîran Xeyrî Beg, li bajarokê Şêxan a li ser bajarê Duhokê, jiber nexweşîya xwe çûye ber dilovanîya xwedê.
Ez li ser navê xwe û li ser navê hemû rêvebir û endamên PAKê, sersaxîyê ji Mîrê Êzidîyên Kurdistanê û Cîhanê birêz Mîr Hazim Tehsîn Beg û ji hemû Kurdên Êzidî re dixwazim. Xwedê bi rehma xwe şad bike. Cihê xwedê jê razî biheşt be.”
16.06.2020
Mustafa Özçelik
Serokê Giştî yê PAKê
Doh danê sibê, wekîlê mîrê êzîdîyan bo karûbarên ayînî, Mîr Kamîran Xeyrî li nexweşxaneya bajarokê Şêxan yê Duhokê canê xwe ji dest dabû.
Mîr Kamîran birazîyê mîrê berê yê êzîdîyan Mîr Tehsîn Beg bû. Piştî ku Mîr Hazim Tehsîn Beg li dû bavê xwe bû mîrê êzîdîyan, Mîr Kamîran jî bû wekîlê wî bo karûbarên ayînî.
Mîr Kamîran sala 1955 li nahîya Baederê ya bajarokê Şêxan ji dayîk bibû û dê li wir jî were veşartin.