Rêveberê Polîsê Hatinçûnê li Derbendîxanê Rêjen Burhan aşkere kir ku li ser rêya Şemêran li nêzikî navçeya geştyarî Ban Qoyn, otomobîlek ketiye nav bendavê û du kesên di otomobîlê de xeniqîne.
Rêveberê Pizîşkiya Dadî li Derbendîxanê Dr. Şêrko Sabir, ragihand ku ew kesên ku di otomobîlê de bûn, dayik û kurê wê bûne.
Hat zanîn ku ew dayik sala 1957an ji dayik bûye û kurê wê jî sala 1980an ji dayik bûye û şêniyên Taxa Ûlûbey a Silêmaniyê ne.
Derbarê sedema rûdana wê bûyerê de jî Bûrhan got ku dibe, ajokar kontrol ji dest dabe û ji ber hindê otomobîl ketibe nav bendavê.
Bajarokê Derbendîxan, ser bi parêzgeha Silêmaniyê ve ye.