Ofîsa Komîserîya Bilind ya Mafên Mirovan ya Neteweyên Yekbûyî (OHCHR) ragihand ku li Ukrayna ji destpêka şerê Rûsya û Ukrayna vir ve zêdetirî 7,000 sîvîl hatine kuştin.
OHCHR dîyar kir ku piranîya qurbanîyên sîvîl bi topan, sîstemên muşekan yên piralî û êrîşên esmanî canên xwe ji dest dane.
Li gor ragihandina OHCHR kuştina 7,031 sîvîlan hatiye piştrast kirin, lê ew sazî bawer dike hejmara qurbanîyan gelekî zêdetir e.
Ew sazî dîyar dike ku xebatkarên wan li benda piştrastkirina gelek raportan in û ew negihîştine deverên şerên giran lê diqewmin.
Sivîl bi piranî li wan herêman hatine kuştin ku di bin kontrola hikûmeta Ukrayna de ye.
Şerê Rûsya û Ukrayna di dawîya Sibata sala 2022yan re destpê kir.
Ukrayna dibêje ku axa wê tê dagirkirin, lê Rûsya dîyar dike ku ew operasyoneke taybet li dar dixe.
Jêder: AFP
Avrupa Haberleri
Carol Prunhuber pirtûka xwe “L’impossible Kurdistan”a ku li ser jiyana Qasimlo û tevgra kurdî ye li Enstîtuya kurdî ya Parîsê da
Emmanuel Macron: Dibe ku em leşkeran bişînin Ukraynayê
Putin wekî Serokê Rûsyayê tê hilbijartin
Polîs avêt ser şaredariya Parîsê
Yekîtiya Ewropayê li Deryaya Sor dest bi operasyonekê kir