Rêvebirê Şaxa Têkoşîna Dijî Terorê ya Neteweyên Yekbûyî (NY) Vladimir Voronkov diyar kir ku li Sûriye û Iraqê di navbera 6 û 10 hezarî de endamên rêxistina DAIŞê hene.
Rêvebirê Şaxa Têkoşîna Dijî Terorê ya Neteweyên Yekbûyî (NY) Vladimir Voronkov brîfîng da Encûmena Ewlehiya Neteweyyên Yekbûyî û destnîşan kir ku ji bo aştî û ewlehiya navneteweyî metirsiya DAIŞê berdewam dike.
Di axaftina xwe de Voronkov ragihand ku DAIŞ ligel jinavbirina serkirde û endamên wê li herêmên şer û pevçûn hene xebatên xwe zêdetir dike. Voronkov got ku “li Sûriye û Iraqê di navbera 6 hezar û 10 hezarî da endamên DAIŞê hene.”
Derdora 50 milyon dolarî dahata DAIŞê heye
Voronkov bal kişand ser mezinbûna komên din ên bi DAIŞê re têkiliya wan heye û hişyarî da ku eger ew kom çalakiyên xwe yên li parzemîna Afrîkayê zêdetir bikin encamên derkevin holê, ji bilî wê derê dê bandorê çar aliyê cîhanê bike.
Li gor rapora Sekreterê Giştî yê Neteweyên Yekbûyî Antonio Guterres a der heqê DAIŞê de tê texmînkirin di navbera 25 milyon û 50 milyon dolarî de dahata DAIŞê heye.